geguritan

Geguritan :

 

Umahku

sakane  digawe sekang kayu

tutup pinggire tabag kurang paku

payone sekang janur sing diwiru

sing penting kena nggo ngaso karo turu

neng kono aku manggon karo bojoku

anaku wis telu

bagus-bagus lan ayu-ayu

persis kaya aku karo bojoku

neng ngarep umah ana wit waru

angger awan nggo dolanan anaku

angger wengi  nggo pranti kerah asu

umahku adoh sekang gili

durung ana listrik apa maning tivi

aduse kudu maring kali

paling-paling sedina ping siji

tentrem rasane manggon neng umahku

senajan sedina ora mesti nyekel duwit sepuluh ewu

sebab ngodene ndadak nuthuki watu

kanggo samben sewise ngrumat sawaeh mertuaku

tujuan uripku mung siji

urip mukti tekan sowan ngadep Gusti sing maha suci

nggolet rejeki sing diridloni

adoh sekang  pungli, manipulasi apa maning korupsi

ora perlu emosi ora perlu  demonstrasi

urip nrima paringe Gusti

ngenteni tekane pati sing wis mesti

Ajibarang , 13 Februari 2013

Kaserat dening Mardiyanto,S.H.